დღე XXV

კითხვის პოპულარიზაცია

გამარჯობა! „მკითხველთა კლუბში“ დღეს ძალიან ჭკვიანი და საყვარელი სტუმრები გვყავდა. კლუბის წევრებმა პირველკლასელებს უმასპინძლეს. ჩვენი შეხვედრა საინტერესოდ წარიმართა.

დღე, ბუნებრივია, გაცნობით დაიწყო. მასპინძლებმა აიღეს ინიციატივა და დაიწყეს გაცნობის პროცესი. თითოეული მათგანი ბურთის დაჭერისთანავე აჟღერებდა საკუთარ სახელს, ასახელებდა მისთვის საყვარელ საქმიანობას და სურვილისამებრ ამატებნდნენ იმ მნიშვნელოვან ფაქტებს, რაც მათი აზრით უნდა ცოდნოდათ მეგობრებს მათ შესახებ. ამ აქტივობით საინტერესო სიახლეები გავიგეთ არა მხოლოდ სტუმრების შესახებ, არამედ ჩვენი კლუბის წვერების შესახებაც. მაგალითად, ჩვენს ბავშვებს ყვარებიათ: ცხოველები, „მკითხველთა კლუბი“, ხატვა , მათემატიკა და სხვა.

კლუბის წევრებმა აუხსნეს მეგობრებს, რას ვაკეთებთ ყოველ ორშაბათსა და პარასკევს კლუბში. გააცნეს „მკითხველთა კლუბის“ ქცევის კოდექსი. აღნიშნულის შემდეგ უმცროსკლასელებს თავიანთ ადგილებზე, ხალიჩებზე მიუთითეს, თავად კი სკამებზე მოთავსდნენ. 

შეხვედრის მეორე ეტაპზე მასპინძლებმა ახალ მეგობრებს 22 აპრილს გამზადებული, გაფერადებული მოთხრობები გადასცეს საჩუქრად და არც რჩევა დავიწყებიათ: გაცნობოდნენ, აუცილებლად წაეკითხათ აღნიშნული მოთხრობები. წინა შეხვედრაზე შევარჩიეთ ერთი მოთხრობა - „აბა, ვის ვეთამაშო?“ და კითხვის კონკურსში გამარჯვებულებმა ძალიან საინტერესოდ წაუკითხეს პატარებს. ნახეთ, მგონი ნამდვილად მოსწონთ მეგობრების მიერ წაკითხული მოთხრობა. 

კითხვის პროცესში კლუბის წევრებმა ჩვენი ფუნქციები შეასრულეს. კითხულობდნენ პაუზებით, უსვამდნენ პატარა მეგობრებს კითხვებს და ეხმარებოდნენ წაკითხულის გააზრებაში. 

კითხვის დასრულების, გააზრების, კითხვა-პასუხის შემდეგ განვთავსდით წრიულად და ვითამაშეთ „სინონიმთა და ანტონიმთა წრე.“ ერთი მოსწავლე ამბობდა სიტყვას, გვერდით მჯდომი ასახელებდა აღნიშნული სიტყვის სინონიმს, სინონიმების მარაგის ამოწურვის შემთხვევაში ასახელებდნენ ანტონიმს. მას შემდეგ, რაც ამოიწურებოდა სინონიმთა და ანტონიმთა მარაგი, ისევ ახალ სიტყვას ასახელებდნენ. თავიდან გაგვიჭირდა აღნიშნული ძალიან სახალისო და საინტერესო აქტივობის განხორციელება, მაგრამ შემდეგ კარგად გავართვით თავი. უნდა ავღნიშნოთ, რომ ჩვენი პატარა სტუმრები არ უდებდნენ ტოლს უფროსებს და ენერგიულად ასახელებდნენ სინონიმურ, ანტონიმურ წყვილებს. 

შეხვედრა მართლაც საინტერესო გამოვიდა, იმედია, ჩვენს მეგობრებს მოეწონათ „მკითხველთა კლუბში“ ვიზიტი.

ჩვენი დღევანდელი შეხვედრაც დასრულდა. მხოლოდ ერთი შეხვედრა დაგვრჩა „მკითხველთა კლუბში.“ 13 მაისს 12სთ და 30 წთ-ზე გაიმართება ინტერვენციის, შეხვედრების დასრულების აღსანიშნავი ღონისძიება. მშობლებო, თქვენ აუცილებლად მიიღებთ ოფიციალურ მოსაწვევ წერილს ღონისძიებაზე დასასწრებად. 

ბედნიერ დასვენებებს გისურვებთ და შევხვდებით 13 მაისს!

P.S. ლიტერატურის მოწოდებისთვის გვინდა განსაკუთრებული მადლობა გადავუხადოთ საბავშვო ავტორს - ქალბატონ თეა ლობჟანიძეს.

გეგმის გადმოსაწერად გადადით ბმულზე:

http://www.slideshare.net/mtbiblia/25-61315164

დღე XXIV

ლექსიკური მარაგის გამდიდირებაზე მუშაობის შეჯამება და მზადება კითხვის პოპულარიზაციისთვის

მოგესალმებით მეგობრებო! თორმეტი კვირაა, რაც „მკითხველთა კლუბი 81-ე სკოლიდან“ აქტიურად მუშაობს, გაწვდით ახალ-ახალ საინტერესო ინფორმაციებს ყოველ ორშაბათსა და პარასკევს. დღეს პარასკევია და ტრადიციულად მზად გვაქვს თქვენთვის სიახლეები.

დღევანდელი შეხვედრის პირველი ნაწილი ლექსიკური მარაგის გასამდიდრებლად ჩატარებული სამუშაოების შეჯამებას დაეთმო. ბლოგის აქტიურმა მკითხველებმა იცით, რომ თითქმის ყველა ჩვენი შეხვედრის საწყისი 10-15 წთ. სწორედ ლექსიკური მარაგის გამდიდრებისკენ იყო მიმართული. ფასილიტატორები და ბავშვები ვცდილობდით სხვადასხვა ხერხებით სიტყვებთან დამეგობრებას. ალბათ, ისიც გეხსომებათ, რომ ამ მიზნით შეხვედრების საწყისს ეტაპზე „ჯადოსნურ ყუთს“ ვიყენებდით. დღეს ცოტათი მივიწყებული „ჯადოსნური ყუთი“ გავიხსენეთ და შეხვედრების განმავლობაში ნასწავლი სიტყვები მასში მოვათავსეთ. ნახეთ, რამდენ სიტყვას მოუყრია თავი.

ისიც უნდა ავღნიშნოთ, რომ „ჯადოსნური ყუთი“ გართულებული ფორმით დაგვიბრუნდა. „მკითხველთა კლუბის“ წევრებს ყუთში მოთავსებული თითოეული სიტყვა მხოლოდ სინონიმის/ანტონიმის დასახელებით უნდა მიეხვედრებინათ ერთმანეთისთვის და გამოეცნოთ. ბავშვებმა საკმაოდ კარგად გაართვეს თავი აღნიშნულ დავალებას. 

სიტყვების გახსენებისა და გამეორების შემდეგ ახალი აქტივობის დროც დადგა. კლუბის წევრები სიამოვნებით ეცნობოდნენ ჩვენთან ერთად ახალ-ახალ საინფორმაციო და მხატვრულ ტექსტებს. შეიძლება ითქვას, რომ მეტ-ნაკლებად მათი დამოკიდებულება კითხვისადმი პოზიტიურად შეიცვალა. რადგან შევნიშნეთ აღნიშნული სასიამოვნო ცვლილება, კლუბის წევრებს საპასუხისმგებლო ამოცანა დავუსახეთ. მათ 25 აპრილის შეხვედრაზე უნდა უმასპინძლონ პატარა, პირველკლასელ მეგობრებს და წაუკითხონ მოთხრობა, იმსჯელონ მათთან ერთად. ფაქტობრივად მათ ჩვენი, ფასილიტატორების მოვალეობები უნდა შეასრულონ. იმისათვის, რომ 25 აპრილის შეხვედრაზე მათ შეძლონ ამოცანის მაღალ დონეზე გადაჭრა, ფასილიტატორები მზადებაში დავეხმარეთ. თითოეულ გუნდს მივაწოდეთ საბავშვო ავტორის ქალბატონი თეა ლობჟანიძის ძალიან კარგი მოთხრობები, რომლის ერთ წიგნად შეკვრა, გაფერადება სწორედ „მკითხველთა კლუბის“ აქტიურ წევრებს მოუხდათ. ვიდრე გაფერადებას დავიწყებდით, ერთად წავიკითხეთ მოთხრობები და განვიხილეთ.

ამის შემდეგ შევუდექით გაფერადებას. ნახეთ, როგორი მონდომებითა და ენთუზიაზმით ცდილობენ ლამაზად გააფორმონ თითოეული ნახატი პირველკლასელთათვის. მგონი, მართლაც ძალიან კარგად გაართვეს თავი სამუშაოს. 

მართალია 4 მოთხრობა გავაფერადეთ, მაგრამ ორშაბათის შეხვედრაზე, სამწუხაროდ, ოთხივე მოთხრობის წაკითხვას ვერ მოვასწრებთ პატარებისთვის. ამიტომ ამოვირჩიეთ ერთი მოთხრობა „აბა, ვის ვეთამაშო?" და ასევე, უნდა აგვერჩია მკითხველებიც. „მკითხველთა კლუბში“ სწავლებისადმი დემოკრატიულ მიდგომას ვანიჭებთ უპირატესობას, ყველა გადაწყვეტილებას ბავშვებთან ერთად ვიღებთ. არც დღევანდელი დღე იყო გამონაკლისი. რადგან თითო ჯგუფიდან მხოლოდ ერთი მკითხველი უნდა შეგვერჩია, ჩავატარეთ კითხვის კონკურსი. კითხვის კონკურსში მონაწილეობის სურვილი საკმაოდ ბევრმა გამოთქვა, ამიტომ თითოეულ მათგანს წავაკითხეთ მხოლოდ ერთი აბზაცი „მკითხველთა კლუბში“ შესწავლილი მოთხრობიდან ოტია იოსელიანის „ვირის ჭკუა". ჩავრთეთ წამზომი და საუკეთესო, მოქნილი, გააზრებული კითხვის უნარის მქონე 4 მოსწავლე შევარჩიეთ. 25 აპრილს მხოლოდ ერთ მოთხრობას არ წავუკითხავთ პირველკლასელებს, ასევე გვექნება სხვადასხვა საინტერესო და სახალისო აქტივობებიც, რომლებშიც „მკითხველთა კლუბის“ თითოეული წევრი იქნება აქტიურად ჩართული.

ყველაფერი მზად გვაქვს ორშაბათის შეხვედრისთვის, იმედია, პატარა მეგობრებს მოეწონებათ მოთხრობებიც და „მკითხველთა კლუბში“ ვიზიტიც. 

საინტერესო შეხვედრის მოლოდინში გემშვიდობებით ორშაბათამდე

გეგმის გადმოსაწერად გადადით ბმულზე:

http://www.slideshare.net/mtbiblia/24-61233374

დღე XXIII

ინტელექტუალური თამაში - „ყველაზე ჭკვიანი გუნდი“

მოგესალმებით ბლოგის აქტიურო მკითხველებო! ახალი კვირა განსხვავებულად დაიწყო „მკითხველთა კლუბში.“ შეხვედრა ჩვენი ძალიან აქტიური და შრომისმოყვარე ჯგუფების დაჯილდოვებით დავიწყეთ. მოგეხსენებათ, ჩვენი შეხვედრები დასასრულისკენ მიდის, სულ რაღაც 3 შეხვედრა დაგვრჩა, ამიტომ ფასილიტატორებმა გადავწყვიტეთ გაწეული შრომისათვის დაგვეჯილდოვებინა გუნდები. შეხვედრების განმავლობაში თითოეულმა გუნდმა თავისი შრომისმოყვარეობის, დისციპლინის დაცვით, პასუხისმგებლიანობითა და გონიერებით შეძლო გარკვეული რაოდენობის ვარსკვლავების მოპოვება. ორმა გუნდმა თანაბარი რაოდენობის 7-7 ვარსკვლავი მოაგროვა, მეორე გუნდმა 6, ხოლო მესამე გუნდმა 4 ვარსკვლავი. შესაბამისად, ყველაზე მეტი ვარსკვლავების მფლობელმა გუნდებმა მიიღეს დიდი ზომის ვარსკვლავი, შემდეგმა გუნდმა საშუალო ზომის და პატარა ზომის ვარსკვლავი. 

ბლოგის ერთგულმა მკითხველებმა იციან, რომ წინა შეხვედრაზე ჩვენ ერთგვარი ტესტირება ჩავატარეთ. ერთად წავიკითხეთ საინფორმაციო ტექსტი, ხოლო შემდეგ, თითოეულმა მოსწავლემ ინდივიდუალურად უპასუხა კითხვებს. შედეგები მართლაც სასიამოვნო გახლდათ, მაგრამ იყო ხარვეზებიც, ამიტომ თითოეულ მოსწავლეს მივაწოდეთ უკუკავშირი. ინდივიდუალურად გადავეცით წერილობითი განმავითარებელი შეფასება და ასევე ვაცნობეთ საკუთარი ქულის შესახებ.

ჩვენ დარწმუნებულები ვართ, ჩვენი მეგობრები გაითვალისწინებენ რჩევებს და იმუშავებენ ლექსიკური მარაგის გამდიდრებაზე, წაიკითხავენ მეტს და გააუმჯობესებენ შედეგებს. 

შეხვედრის მომდევნო ეტაპი კიდევ უფრო საინტერესო აღმოჩნდა. ჩვენს მოაზროვნე გუნდებს ოთხი ტურის გადალახვა მოუხდათ. პირველ ტურში უპასუხეს კითხვებს „მკითხველთა კლუბში“ განხილული თემებიდან, წინადადებაში ჩასვეს გამოტოვებული სიტყვები. პირველი ტურის მაქსიმალური ქულა გახლდათ - 9. მეორე და მესამე ტური ლოგიკურ ამოცანებს დაეთმო. მეორე ტურის მაქსიმალური ქულა იყო - 3, ხოლო მესამე ტურის ქულა - 3. მეოთხე ტურის მაქსიმალური ქულა - 2. ოთხივე ტურისთვის გამოყოფილი გახლდათ 30 წთ.

უნდა ავღნიშნოთ, რომ თითოეულმა გუნდმა მაქსიმალურად მოინდომა, მოახერხეს გუნდურად კითხვებზე პასუხის გაცემა, მაგრამ როგორც ყველა თამაშს ჩვენთანაც გამარჯვებული უნდა გამხდარიყო მხოლოდ ერთი გუნდი, გუნდი, რომელიც მაქსიმალური ქულის აღებას მოახერხებდა. დღეს „ყველაზე ჭკვიანი გუნდის“ სტატუსი მოიპოვა გუნდმა „მეგობრულებმა“, 10 ქულით. გამარჯვებულ გუნდს გარდა სიგელისა, გადავეცით სამახსოვრო სუვენირი-„ბუ“, როგორც სიბრძნის სიმბოლო.

დანარჩენ სამ გუნდს მონაწილეობისთვის გადავეცით სამადლობელო სიგელები. დღევანდელი შეხვედრაც დასრულდა, მადლობა თითოეული გუნდის წევრებს მონაწილეობისთვის, დღევანდელი დღისთვის.

კიდევ უფრო საინტერესო სიახლეებით დაგიბრუნდებით პარასკევს

P.S. დღევანდელ ჩვენს საინტერესო შეხვედრას არც ერთი მშობელი არ დაესწრო. სამწუხაროა, როდესაც სიტყვა „სასურველს“, „სავალდებულოს“ ნაცვლად შეუძლია ბევრი რამ გადაწყვიტოს. ამ არასასიამოვნო ფაქტის მიზეზი შესაძლებელია ჩვენი მუშაობაც გახლავთ. ჩვენ, ფასილიტატორებმა ალბათ საკმარისად ვერ შევძელით მშობლების მოტივირება და ჩართულობის ამაღლება. ვიმედოვნებთ, მომავალში სიტუაცია უკეთესობისკენ შეიცვლება.

დროებით, მეგობრებო

გეგმის გადმოსაწერად გადადი ბმულზე:
http://www.slideshare.net/mtbiblia/23-61044511

დღე XXII

თემა: საინფორმაციო ტექსტი - „გაერთე ერთდღიან ლაშქრობაში“

პარასკევია, ჩვენი შეხვედრის დღე ძვირფასო მკითხველებო. დღეს ჩვენი ოცდამეორე შეხვედრა გაიმართა „მკითხველთა კლუბში.“ საკმაოდ შრომატევადი და აქტივობებით დატვირთული დღე გვქონდა.

შეხვედრა „ფერადი სიტყვების სააგენტომ“ გახსნა. ბავშვებმა სააგენტოდან გამოითხოვეს თავიანთი სიტყვები და სხვადასხვა საშუალებებით აუხსნეს მეგობრებს. შეიძლება ითქვას, რომ თითქმის არცერთ სიტყვას არ მოუწია კუთვნილი ადგილის დატოვება ძალიან ჭკვიანი და საზრიანი „მესაკუთრეების“ დამსახურებით. 

„ფერადი სიტყვების სააგენტოს“ შემდეგ, პატარა მკითხველებმა ჩვენი, ფასილიტატორების დახმარებით გამოიცნეს შეხვედრის მთავარი თემა. მათ მივუტანეთ ნივთები, რომლებიც შესაძლებელია დასჭირდეთ ლაშქრობისას, მაგალითად: კომპასი, კარავი, ჩანთა, თოკი, რკინის ჭიქა, ბათინკი, რკინის ჯამი, ქუდი, პირველადი დახმარების სამედიცინო ყუთი. უნდა ავღნიშნოთ, რომ ეს დავალება ჩვენი მეგობრებისთვის საკმაოდ მარტივი აღმოჩნდა. თემის გამოცნობის შემდეგ ერთად შევეცადეთ აგვეხსნა, თუ რისთვის იყო საჭირო თითოეული ნივთი და რატომ შევარჩიეთ ისინი. 

პატარა მკითხველები ძალიან დაინტერესდნენ თემით, ამიტომ მათ დაიმსახურეს კიდევ ერთი, ძალიან საინტერესო ახალი საინფორმაციო ტექსტის - „გაერთე ერთდღიან ლაშქრობაში“ გაცნობა. უკვე ტრადიციად იქცა ჯგუფში ფასილიტატორებთან ერთად ტექსტის კითხვა. წავიკითხეთ ტექსტი, ერთად განვმარტეთ უცნობი სიტყვები, გავაანალიზეთ ტექსტის თითოეული აბზაცი. 

ტექსტის ერთობლივად დამუშავების შემდეგ, ჩვენი მუშაობის პროცესი განსხვავებულად წარიმართა. ოთხივე ფასილიტატორმა ჩვენ-ჩვენი ჯგუფის წევრებს დავურიგეთ თაბახის ფურცლები და თითოეულ მათგანს ვთხოვეთ, დამოუკიდებლად, ინდივიდუალურად გაეცათ პასუხი იმ კითხვებისთვის, რომლებსაც დავუსვამდით. დავალება გულისხმობდა, რომ მათ არ უნდა გაეჟღერებინათ ხმამაღლა კითხვებზე პასუხები, მხოლოდ თავიანთ კუთვნილ თაბახის ფურცელზე უნდა ჩაეწერათ ის პასუხები, რომლებიც სწორად მიაჩნდათ. კითხვები საკმაოდ რთული, მაგრამ საინტერესო გახლდათ, კერძოდ: 1. რა არის ის მთავარი ინფორმაცია, რომელსაც შენ ტექსტის ეს ნაწილი - „გაერთე ქალაქგარეთ“ გაწვდის ლაშქრობის შესახებ? 2. ტექსტის მიხედვით დაასახელე ის ორი საინტერესო რამ, რისი ნახვაც შეგიძლია ერთდღიანი ლაშქრობისას. 3. ტექსტის მიხედვით, რა არის ის ორი რამ, რაც უნდა გახსოვდეს, როცა ლაშქრობაში ჯგუფთან ერთად მიდიხარ? 4. ტექსტის რომელი ნაწილი გაფრთხილებს, რომ ლაშქრობისთვის ტანსაცმელი ამინდის გათვალისწინებით უნდა შეარჩიო? 5. რატომ უნდა წაიღო ლაშქრობაში ზედმეტი წინდა? 6. როგორ უნდა მოიქცე, თუ ლაშქრობაში რაიმე გაგიჭირდა? 7. როგორ უნდა მოიქცე, მალე რომ არ დაიღალო? 8. რატომ არის მნიშვნელოვანი ვინმეს დაუბარო, თუ როდის აპირებ ლაშქრობიდან დაბრუნებას? 9. 9-12 კითხვებზე პასუხისას გამოიყენე ინფორმაცია ტექსტის იმ ნაწილიდან, რომლის სათაურია „ლაშქრობა სათვალთვალო გორაზე.“ რომელი მარშრუტი უნდა აირჩიო, თუ გინდა, რომ ლაშქრობა ხანმოკლე იყოს? 10. როგორი ადამიანები შეძლებენ ლაშქრობაში წასვლას სათვალთვალო გორაზე? 11. რა არის ის ორი რამ, რასაც მარშრუტების ცხრილის დახმარებით გაიგებ? 12. გამოიყენე სათვალთვალო გორის რუკა და მარშრუტების ცხრილი ლაშქრობის დასაგეგმად. მიუთითე, რომელ მარშრუტს აირჩევდი. 

ალბათ, გაინტერესებთ, რა შედეგები მივიღეთ. შეიძლება ითქვას, რომ საკმაოდ კარგი შედეგები გვაქვს. აქტიურმა მკითხველებმა შეძლეს სწორად ეპასუხათ კითხვების 80%-ის. შედეგებით სასიამოვნოდ გაკვირვებულები ვართ, თუმცა გასათვალისწინებელია ის ფაქტი, რომ ტექსტის ანალიზი ჩვენთან, ფასილიტატორებთან ერთად მოხდა.

შეხვედრის დასასრულს კიდევ შეემატა სააგენტოს ახალი სიტყვები. დღევანდელი საინტერესო და დატვირთული შეხვედრაც დასრულდა. მადლობა ჩვენ პატარა მეგობრებს შრომისმოყვარეობისთვის. 

გემშვიდობებით ორშაბათამდე. ორშაბათს, 18 აპრილს კიდევ ერთი საინტერესო შეხვედრა გველოდება, რადგან მკითხველთა კლუბის წევრები ითამაშებენ ინტელექტუალურ თამაშს - “ყველაზე ჭკვიანი“.

P.S. პატარა ინტელექტუალების მშობლებო, სასურველია თქვენი დასწრება ორშაბათის შეხვედრაზე. ფასილიტატორებს და ბავშვებს ძალიან გვიყვარს თქვენი სტუმრობა „მკითხველთა კლუბში.“ იმედია, თქვენთვისაც ასეთივე მნიშვნელოვანი და საინტერესოა „მკითხველთა კლუბში“ ვიზიტი. გელოდებით, შეხვედრის დრო და ადგილი უცვლელია.

გეგმის გადმოსაწერად გადადით ბმულზე:

http://www.slideshare.net/mtbiblia/22-60958693

დღე XXI

თემა: ოტია იოსელიანის - „ვირის ჭკუა“

მოგესალმებით „მკითხველთა კლუბის“ უკვე მრავალრიცხოვან მხარდამჭერებსა და გულშემატკივრებს. ჩვენთვის ძალიან სასიამოვნოა თქვენი ინტერესი კლუბში განვითარებული მოვლენებისადმი.

იმედია, დღესაც მოგეწონებათ ჩვენთან ერთად ყოფნა და სიახლეების გაცნობა. 

11 აპრილის შეხვედრა კროსვორდის შევსებით დავიწყეთ.

 ჩვენს აქტიურ მკითხველებს ძალიან უყვართ კროსვორდის შევსება და უნდა ავღნიშნოთ, რომ ეს საქმე შესანიშნავად გამოსდით. ნახეთ, როგორი მონდომებითა და შემართებით ცდილობენ უპასუხონ კითხვებს, რომლებიც „მკითხველთა კლუბში“ შესწავლილი მასალებიდანაა. 

პატარა მეგობრებს განსაკუთრებით მოეწონათ „დაშიფრული“ სიტყვის - „მკითხველთა კლუბის საოცარი წევრები“-ს ამოცნობა.

შეხვედრის მომდევნო ეტაპზე ახალი ტექსტის - ოტია იოსელიანის „ვირის ჭკუა“ განხილვის დროც დადგა. აქტიურმა მკითხველებმა ჩვენთან, ფასილიტატორებთან ერთად, წაიკითხეს ტექსტი, ერთად განვმარტეთ უცნობი სიტყვები, დავსვით სხვადასხვა შეკითხვა და ერთად გავაანალიზეთ მოთხრობა. 

შეხვედრის დასასრულს „ფერადი სიტყვების სააგენტოს“ დროც დადგა. დღეს შესწავლილმა სიტყვებმა დაიკავეს საპატიო ადგილი სააგენტოში. იმედია, მომდევნო შეხვედრაზე სიტყვების „მესაკუთრეები“ ძალიან კარგად აუხსნიან მეგობრებს შესწავლილ სიტყვებს და „სააგენტოც“ შეინარჩუნებს წევრებს.

დღევანდელი შეხვედრაც დასრულდა, შევხვდებით პარასკევს,

დროებით!

გეგმის გადმოსაწერად გადადით ბმულზე:
http://www.slideshare.net/mtbiblia/21-60716840

დღე XXI

თემა: ოტია იოსელიანის - „ვირის ჭკუა“

მოგესალმებით „მკითხველთა კლუბის“ უკვე მრავალრიცხოვან მხარდამჭერებსა და გულშემატკივრებს. ჩვენთვის ძალიან სასიამოვნოა თქვენი ინტერესი კლუბში განვითარებული მოვლენებისადმი.

იმედია, დღესაც მოგეწონებათ ჩვენთან ერთად ყოფნა და სიახლეების გაცნობა. 

11 აპრილის შეხვედრა კროსვორდის შევსებით დავიწყეთ.

 ჩვენს აქტიურ მკითხველებს ძალიან უყვართ კროსვორდის შევსება და უნდა ავღნიშნოთ, რომ ეს საქმე შესანიშნავად გამოსდით. ნახეთ, როგორი მონდომებითა და შემართებით ცდილობენ უპასუხონ კითხვებს, რომლებიც „მკითხველთა კლუბში“ შესწავლილი მასალებიდანაა. 

პატარა მეგობრებს განსაკუთრებით მოეწონათ „დაშიფრული“ სიტყვის - „მკითხველთა კლუბის საოცარი წევრები“-ს ამოცნობა.

შეხვედრის მომდევნო ეტაპზე ახალი ტექსტის - ოტია იოსელიანის „ვირის ჭკუა“ განხილვის დროც დადგა. აქტიურმა მკითხველებმა ჩვენთან, ფასილიტატორებთან ერთად, წაიკითხეს ტექსტი, ერთად განვმარტეთ უცნობი სიტყვები, დავსვით სხვადასხვა შეკითხვა და ერთად გავაანალიზეთ მოთხრობა. 

შეხვედრის დასასრულს „ფერადი სიტყვების სააგენტოს“ დროც დადგა. დღეს შესწავლილმა სიტყვებმა დაიკავეს საპატიო ადგილი სააგენტოში. იმედია, მომდევნო შეხვედრაზე სიტყვების „მესაკუთრეები“ ძალიან კარგად აუხსნიან მეგობრებს შესწავლილ სიტყვებს და „სააგენტოც“ შეინარჩუნებს წევრებს.

დღევანდელი შეხვედრაც დასრულდა, შევხვდებით პარასკევს,

დროებით!

გეგმის გადმოსაწერად გადადით ბმულზე:
http://www.slideshare.net/mtbiblia/21-60716840

დღე XX

თემა: „მომავლის სკოლა“

მოგესალმებით მეგობრებო. დღეს პარასკევია და ბუნებრივია, ბლოგის აქტიური მკითხველები სიახლეებს ელოდებით „მკითხველთა კლუბიდან.“ მოლოდინებს არ გაგიცრუებთ და მოგიყვებით დღეს განვითარებული მოვლენების შესახებ. სიმართლე გითხრათ, ჩვენც სავსე ვართ ემოციებით და ძალიან გვინდა მალე გაგიზიაროთ დღევანდელი დღის შთაბეჭდილებები.

„მკითხველთა კლუბში“ აღარავის უკვირს ექსპერიმენტები და სიახლეები, ჩვენთან არცერთი დღე არ ჰგავს ერთმანეთს. XX შეხვედრაც ამის დასტურია. ფასილიტატორების როლები დღეს ჩვენი აქტიური მკითხველების დედიკოებმა მოირგეს. გაიცანით მე-4 (ბ) კლასის აქტიური მშობლები.

ვიდრე დედიკოები ფასილიტატორების როლებს მოირგებდნენ, შეხვედრა ასოციაციებითა და გონებრივი იერიშით დავიწყეთ. 

მოსწავლეებსა და მშობლებს ვთხოვეთ, დაესახელებინათ ის სიტყვები, რობლებიც სიტყვა - სკოლის გაგონებაზე უჩნდებობათ. 

აღნიშნული აქტივობის შემდეგ, „გონებრივი იერიშის“ გამოყენებით ჩამოვაყალიბეთ წარმატებული სკოლის მახასიათებლები.

აი, ასეთი შედეგები მივიღეთ

გონებრივი იერიშის შემდგემ, ჩვენ, ფასილიტატორებმა გადავინაცვლეთ „ჩრდილში“ და სიამოვნებით დავუთმეთ ადგილი დედიკოებს. თითოეულმა გუნდმა თავის ახალ ფასილიტატორთან ერთად შექმნა „მომავლის სკოლის“ კონცეფცია. ნახეთ, როგორ გადაინაწილეს როლები და რა საინტერესოდ მიმდინარეობდა მუშაობის პროცესი. 

დედიკოებმა და გუნდებმა შესანიშნავად გაართვეს თავი დაკისრებულ მოვალეობას. ძალიან, ძალიან საინტერესო კონცეფციები შეიმუშავეს, გააფორმეს და გაუზიარეს აუდიტორიას შეხვედრის ბოლო ეტაპზე.

განსაკუთრებით საინტერესო დეტალი გახლდათ ბავშვების პოზიტიური დამოკიდებულება ინკლუზიური განათლების მიმართ. „მომავლის სკოლაში“ შექმნეს სსსმ მოსწავლეთათვის არა მარტო ადაპტირებული ინფრასტრუქტურა, არამედ იზრუნეს მათ სასწავლო პროგრამებზეც.

საინტერესო პრეზენტაციების შემდეგ ფასილიტატორებმა მადლიერებისა და ყურადღების გამოსახატავად აქტიურ მშობლებს სამადლობელო ბარათები და ყვავილები გადავეცით. ისინი ნამდვლად იმსახურებენ აქტიური დედიკოების სტატუსს.

P.S. ვიმედოვნებთ, რომ „მომავლის სკოლაში“ თანამშრომლობა მოსწავლეებს, მასწავლებლებსა და მშობლებს შორის იქნება აქტიური, საქმიანი. ინიციატივა მსგავსი ურთიერთობის ფორმების ჩამოსაყალიბებლად უნდა იყოს ორმხრივი. ვისურვებდით ისეთი სკოლის არსებობას, სადაც მშობლებსა და მასწავლებლებს ნათლად ექნებოდათ გათავისებული საკუთარი მოვალეობები.

პარასკევის საინტერესო შეხვედრაც დასრულდა,

გემშვიდობებით ორშაბათამდე

ბედნიერ უქმეებს გისურვებთ.

გეგმის გადმოსაწერად გადადით ბმულზე:
http://www.slideshare.net/mtbiblia/ss-60657533

დღე XIX

თემა: მოქალაქეობრივი შეგნება

მოგესალმებით ბლოგის ერთგულო მკითხველებო. ჩვენი დღევანდელი შეხვედრის თემა „მოქალაქეობრივი შეგნება“ გახლდათ. ბლოგის აქტიურ მკითხველებს კარგად გახსოვთ ვიდეოს გადაღების მიზანი და მოტივაცია, ამიტომ აღარ განვმეორდებით. რადგან ვიდეოს მიზანი ვიცით, ვფიქრობთ, არც შეხვედრის თემასთან დაკავშირება გაგიჭირდებათ. გთავაზობთ ვიდეოს და შეფასებები თქვენთვის მოგვინდია. 

აქტივობებით დატვირთული მეცხრამეტე შეხვედრა „მხიარული ბანქოთი“ დავიწყეთ. „მხიარული ბანქო“ არის ერთ-ერთი საუკეთესო საშუალება ბავშვების სიტყვებთან დასამეგობრებლად. თითოულ გუნდს დავურიგეთ „ბანქოს“ შეკვრა, რომელზეც სიტყვები გახლდათ მოთავსებული. აქტიურ მკითხველებს კი ისე უნდა დაეწყოთ ბანქო, რომ სიტყვათშეთანხმებები მიეღოთ. ნამდვილად არ იყო მარტივი დავალება, მაგრამ გუნდებმა მშვენივრად გაართვეს თავი. 

შეხვედრის მეორე ნაწილი კი კარგი მოქალაქის მახასიათებლების გაცნობას დაეთმო. თითოეულ გუნდს მივაწოდეთ სიტუაციები და კითხვები, რომლებზეც თავად უნდა მოეფიქრებინათ პასუხები. „საქმოსან მთვარე და ვარსკვლავებს“ აი ასეთი სიტუაცია შეხვდათ - მოსწავლემ მერხზე დაწერა თავისი სახელი, მეორემ მიბაძა მეგობარს და გვერდზე კაცუნა მიუხატა.

1. როგორ აფასებთ მოსწავლეების ქცევას?

2. რა შედეგი მოჰყვება ასეთ ქცევას?

3. როგორ ექცევიან მოსწავლეები სასკოლო ინვენტარს?

4. რატომ უნდა მოვუფრთხილდეთ სკოლის საკუთრებას?

„ჩემპიონების“ კუთვნილი სიტუაცია გახლდათ: ბიჭი დედასთან ერთად ავტობუსით მგზავრობდა. იგი მზესუმზირას მიირთმევდა და ძირს ყრიდა. შორიახლო გოგონა იჯდა. გოგონამ ბიჭს სისუფთავის დაცვისკენ მოუწოდა და ავტობუსიდან ჩავიდა.

1. როგორ შეაფასებთ ამ სიტუაციის მონაწილეთა საქციელს?

2. როგორი დამოკიდებულება აქვთ მათ თავიანთ ქალაქთან?

3. რას მივიღებთ ასეთი საქციელის შედეგად?

„მეგობრულებმა“ გაანალიზეს შემდეგი სიტუაცია: ნინო ძალიან გახარებული იყო. ის მოხუცს ქუჩაზე გადასვლაში დაეხმარა, თან ტვირთიც აატანინა მესამე სართულზე. მასწავლებელი ხშირად ესაუბრებოდა ნინოსა და მის თანაკლასელებს ზრდილობასა და მოხუცების პატივისცემაზე. ნინომ მშობლებს სახლში მისვლისთანავე უამბო თავისი საქციელის შესახებ. სადილის შემდეგ მან თავისი თეფში მაგიდაზე დატოვა, თვითონ კი ტელევიზორის საყურებლად წავიდა.

1. როგორ შეაფასებთ გოგონას საქციელს?

2. როგორი დამოკიდებულება აქვს მას უფროსებისადმი?

3. გოგონას ადგილას რომ ყოფილიყავით, როგორ მოიქცეოდით?

„აინშტაინების“ გასაანალიზებელი სიტუაცია გახლდათ: ორი მეგობარი სკოლიდან ბრუნდებოდა. ცხელოდა. მათ ნაყინი იყიდეს. ნაგვის ურნა ვერ დაინახეს. ერთ-ერთმა მათგანმა ნაყინის ქაღალდი იქვე, ქუჩაში დააგდო. მეორემ მოძებნა ურნა და ქაღალდი ნაგვის ყუთში ჩააგდო.

1. როგორ აფასებთ ბიჭების ქცევას?

2. რასთან არის დაკავშირებული ბიჭების განსხვავებული ქცევა?

3. რომელი მათგანი მოიქცა არასწორად? (დაასაბუთეთ).

4. რა იყო იმის მიზეზი, რომ მეორე ბიჭმა პირველს ხელი არ შეუშალა ნაგვის ძირს დაყრაში?

5. როგორ მოიქცეოდით მეორე ბიჭის ადგილას?

სიტუაციების განხილვითა და საუბრის შედეგად გავარკვიეთ, რას ნიშნავს მოქალაქე, კარგი მოქალაქე და გადავედით საინტერესო ტექსტის გაცნობაზე.

წავიკითხეთ მოთხრობა - „გლობუსი“. მოთხრობის გაანალიზების შემდეგ აქტიურმა მკითხველებმა შეავსეს ცხრილები.

დღევანდელი შეხვედრა მართლაც დატვრთული გამოვიდა. მადლობა ჩვენს პატარა მკითხველებს შრომისმოყვარეობისთვის.

მომდევნო შეხვედრა აბსოლიტურად განსხვავებული და კიდევ უფრო საინტერესო იქნება. „მკითხველთა კლუბში“ დედიკოები გვესტუმრებიან. პატარა მკითხველები და მათი დედიკოები შეხვედრაზე ერთად იმუშავებენ. საინტერესო დისკუსია და სიახლეები გველოდება.

გემშვიდობებით პარასკევამდე.

გეგმის გადმოსაწერად გადადით ბმულზე :
http://www.slideshare.net/mtbiblia/19-60452082

დღე XVIII

გზავნილები „მკითხველთა კლუბიდან“

გამარჯობა ძვირფასო მკითხველებო. კვირის ბოლო დღეს სიახლეებით გიბრუნდებათ „მკითხველთა კლუბი.“ ჩვენი დღევანდელი შეხვედრა არ გახლდათ ტრადიციული. მუშაობა არც ლექსიკის გასამდიდრებელი სავარჯიშოთი დაგვიწყია, არც შეხვედრა გაგვიგრძელებია ახალი ტექსტის გაცნობით. ალბათ, გაინტერესებთ რატომ?

ფორმატის ცვლილებას რამდენიმე მიზეზი ჰქონდა. პირველი - ჩვენ პატარა მეგობრებს ხშირად ვეკითხებოდით, რა მოსწონდათ და რა არ მოსწონდათ ჩვენს მუშაობაში, მაგრამ წერილობითი ფორმით მთლიანი მუშაობის შეფასება მათ არ გაუკეთებიათ. ვინაიდან ინტერვენციები დასასრულისკენ მიდის, მნიშვნელოვანი იყო გაგვეგო მათი შთაბეჭდილებები ზოგადად „მკითხველთა კლუბის“ შესახებ, შეეფასებინათ თავიანთი ფასილიტატორები. ეს კარგი საშუალებაა რჩევების მისაღებად და მომავალი საქმიანობის უკეთ დასაგეგმად. თითოეულ ბავშვს დავურიგეთ ფურცლები, რომლებზეც შემდეგი კითხვები იყო ჩამოწერილი: 1. რომელი მოთხრობა/ზღაპარი მოგეწონა ყველაზე მეტად? 2. რომელი დღე იყო ყველაზე დასამახსოვრებელი „მკითხველთა კლუბში“? 3. გაიხსენე ყველაზე მოსაწყენი დღე „მკითხველთა კლუბში“ 4. დაახასიათე შენი ფასილიტატორი 5. შენ უკვე ხარ „მკითხველთა კლუბის“ სრულუფლებიანი წევრი. რას ურჩევდი კლუბის მომავალ წევრებს? 6. წარმოიდგინე, რომ „მკითხველთა კლუბი“ არის წელიწადის მეხუთე დრო. რა ფერებით გააფერადებდი მას?

მეორე მიზეზი ფორმატის ცვლილებისა გახლდათ ვიდეო-რგოლის გადაღება. ჩვენი შეხვედრების განმავლობაში მუდმივად ვზრუნავდით, პატარა მკითხველებს გაეუმჯობესებინათ კითხვის დასმის, კრიტიკული, შემოქმედებითი აზროვნების, სხვათა აზრის გათვალისწინების, პასუხისმგებლობის, ფიქრის, არგუმენტირებული მსჯელობის, კამათის, დამოუკიდებელი აზრის გამოხატვის უნარ-ჩვევები. ვიდეო-რგოლი, რომელიც დღეს მოვამზადეთ, არის მცდელობა თითოულმა კლუბის წევრმა გააჟღეროს თავისი სათქმელი და მიიტანოს ადრესატამდე. გზავნილებს ბევრი სხვადასხვა ადრესატი ჰყავს, არ იქნება ურიგო, თუ ვიტყვით, რომ ჩვენც მოვიზარებით გზავნილების ადრესატებად. ჩვენ, ფასილიტატორები, როგორც კლუბის წევრები, ვართ გზავნილების ავტორებიც და ადრესატებიც.

ვიდეო-რგოლზე მეტს არაფერს გეტყვით, მისი ხილვა და შეფასება შეგეძლებათ ორშაბათს. მანამდე კი ფოტოსურათები შეგვიძლია შემოგთავაზოთ.

რაც შეეხება პატარა მეგობრების მოსაზრებებს „მკითხველთა კლუბის“ შესახებ და არამარტო... გაინტერესებთ მათი შეფასებები? ჩვენც ძალიან გვაინტერესებს ყველაზე ობიექტური ადამიანების დამოკიდებულებები. მოდით, თქვენც გაგიზიარებთ:

“მკითხველთა კლუბში“ პოპულარობით სარგებლობს შემდეგი ზღაპრები და მოთხრობები: „მელია და თხა“, „მეჩონგურე“, „კესანე“, „რას გალობს შაშვი“, „დედა“, „ვარსკვლავთმრიცხველი გლეხი“, „ნიანგმაც იცის მეგობრობა“.

კლუბის წევრებისთვის ყველაზე დასამახსოვრებელი დღე აღმოჩნდა-„მკითხველთა კლუბში“ გაწევრიანების დღე, დებატები, პლანეტარიუმში ვიზიტი. ყველაზე მოსაწყენი დღე კლუბის მხოლოდ ერთმა წევრმა დაგვისახელა და ეს გახლდათ პირველი დღე „მკითხველთა კლუბში“.

აქტიურმა მკითხველებმა შემდეგი რჩევები მისცეს კლუბის მომავალ წევრებს: მოუსმინეთ ერთმანეთს და ფასილიტატორებს, ივარჯიშეთ კითხვაში, მეტი ისწავლეთ და იაქტიურეთ, დაეხმარეთ ერთმანეთს.

გვინდა გამოვყოთ ერთ-ერთი წევრის ძალიან საინტერესო რჩევა: „ეს კარგი რამეა. კითხვას გაყვარებს და განვითარებს. გთხოვთ, არ დაგეზაროთ.“

განსაკუთრებით საინტერესოა წელიწადის მეხუთე დრო - მკითხველთა კლუბისთვის შერჩეული ფერთა პალიტრა. რა მხიარულ და ნათელ ფერებში წარმოადგინეს ეს პატარა მკითხველებმა.

უღრმესი მადლობა თითოეულ მათგანს შეფასებებისთვის. ჩვენთვის ყველაზე მნიშვნელოვანი მათი დამოკიდებულება და მოსაზრებებია. ჩვენ თქვენ გვაძლიერებთ.

მადლობა პოზიტიური დღისთვის და გემშვიდობებით ორშაბათამდე.

გეგმის გადმოსაწერად გადადით ბმულზე :
http://www.slideshare.net/mtbiblia/18-60340355