დღე XII

თემა: „სტუმრად პლანეტარიუმში“

დღეს პარასკევია, გაზაფხულის ამ მშვენიერ დღეს მკითხველთა კლუბმა გადაწყვიტა დაეტოვებინა ტრადიციული შეხვედრის ადგილი და გაემგზავრა მოსწავლე-ახალგაზრდობის ეროვნულ სასახლეში.

 განწყობის ასამაღლებლად გავისეირნეთ იქვე მდებარე პარკში.

 დათქმულ დროს შევედით პლანეტარიუმში და პატარა მკითხველებმა გააგრძელეს წინა გაკვეთილზე დაწყებული მოგზაურობა მზის სისტემაში. მოგზაურობის დროს ბავშვებს ბევრი ნაცნობი ადგილი შეხვდათ, მაგრამ ასევე მიიღეს ახალი ინფორმაციებიც. ვიზუალურმა ეფექტებმა ხელი შეუწყო არსებული ცოდნის გამყარებასა და გამრავალფეროვნებას.

ნახევარსაათიანი პროგრამის მიმდინარეობისას ხშირად გაიგონებდით პატარა მკითხველების ემოციურ შეძახილებს. განსაკუთრებული აჟიოტაჟი გამოიწვია მეტეორიტის ხილვამ.

მოგზაურობისას შეძენილმა ახალმა ცოდნამ დამატებითი კითხვები გაუჩინა ბავშვებს, რომლებზეც პასუხი გასცა ჩვენი შეხვედრის მთავარმა გიდმა.

შეხვედრის დასასრულს ინტერვიუ ჩავწერეთ კლუბის წევრებთან. ისინი ამ პატარა ვიდეოებით ეცდებიან გაგიზიარონ თავიანთი შთაბეჭდილებები და მოსაზრებები.

ასე პოზიტიურდ დასრულდა ჩვენი კვირა. სასიამოვნო უქმეებს გისურვებთ, შევხვდებით ორშაბათს.

P.S. განსაკუთრებული მადლობა "მკითხველთა კლუბის" მშობლებს თანამშრომლობისთვის.

 გეგმის გადმოსაწერად გადადით ბმულზე : http://www.slideshare.net/mtbiblia/10-59905820