დღე XVI

კონფერენცია

გამარჯობა, დღეს პარასკევია, განსაკუთრებული დღე „მკითხველთა კლუბში.“ დღევანდელ კონფერენციაზე ბევრი მნიშვნელოვანი და საინტერესო რამ მოხდა. 

„მკითხველთა კლუბის“ წევრებთან შესახვედრად მოვიდნენ პარალელური კლასის მშობლები, მოსწავლეები, მასწავლებლები. 

ფასილიტატორებმა „ახალ“ სტუმრებს გავაცანით კვლევის მიზნები, შინაარსი, ვუამბეთ ჩატარებული სამუშაოს და მომავალი გეგმების შესახებ. 

ვუჩვენეთ ვიდეო-რგოლი, რომელზეც ჩვენი მოგზაურობის ამსახველი კადრები გახლდათ აღბეჭდილი. 

ვიდეოს ჩვენების შემდეგ სტუმრებს დავურიგეთ მკითხველთა კლუბის სავიზიტო ბარათები. 

კონფერენციის მეორე ნაწილი კი ყველაზე შთამბეჭდავი და საინტერესო იყო. ჩვენ, ფასილიტატორებმაც გადავინაცვლეთ მაყურებელთა რიგებში და პირველად ვიხილეთ ის „პროდუქტი,“ რაც ჩვენმა პატარა მკითხველებმა და მათმა მშობლებმა წარმოადგინეს. გვყავდა რამდენიმე მონაწილე და აბსოლიტურად ერთმანეთისგან განსხვავებული თემატიკა. 

კონფერენციის მეორე ნაწილი გაიხსნა ლექსების კრებულით, რომელსაც ხელმძღვანელობდა ელენე შუშანაშვილის ბებია. 

ლექსების თემატიკას ჩაენაცვლა ო.ჰენრის ნაწარმოები „მოგვთა საჩუქრები“, ამ წარმოდგენის ხელმძღვანელი გახლდათ ოთო ნეკერაშვილის დედიკო.

შემდეგ ვიხილეთ და-ძმის ტანდემი, რომელთა საპრეზენტაციო თემა იყო შექსპირის „რომეო და ჯულიეტა.“ მიუხედავად ნაწარმოების სირთულისა, ნიკა პატაშურმა თავისი უფროსი დაიკოს დახმარებით მარტივად და საინტერესოდ წარმოგვიდგინა ეს პიესა.

ძალიან ორიგინალური და კრეატიული დადგმა შემოგვთავაზა დავით ოქროპირიძის დედიკოს გუნდმა, რომლებმაც წარმოადგინეს ჩინური სიბრძნე „პატიოსნება, მოთმინება და სიკეთე“ რუსულ ენაზე.

კონფერენციის დასკვნით ნაწილში შემოგვიერთდა ლიკა ბოლოთაშვილის დედიკოს გუნდი, რომლთა ნიშა გახლდათ იუმორი და სისხარტე. 

შეხვედრა სასიამოვნო სიურპრიზით დაასრულა ჩინური სიბრძნის დადგმის მონაწილეებმა, მათ წარმოგვიდგინეს ენერგიული და მხიარული ცეკვა.

შეხვედრის დასასრულს დირექტორმა - მაგდა ბარამიძემ მადლობის სიგელები გადასცა „მკითხველთა კლუბის“ აქტიურ მშობლებს თანამშრომლობისთვის. 

P.S. ფასილიტატორების სახელით გვინდა უდიდესი მადლობა გადავუხადოთ კონფერენციის თითოეულ მონაწილესა და მობრძანებულ სტუმრებს დაინტერესებისათვის. ჩვენ გვქონდა დიდი მოლოდინი, რომ მშობლები დამოუკიდებლად მოაწყობდნენ შთამბეჭდავ ღონისძიებას. დღევანდელი შეხვედრის მთავარი მიზანი იყო მშობლებისა და ბავშვების ერთობლივი კითხვის წახალისება. იმედი გვაქვს, რომ დღეიდან ეს ტრადიციად იქცევა და ხშირად წაიკითხავენ ერთად და გამართავენ ერთობლივ ღონისძიებებს. 

გისურვებთ ბედნიერ დასვენებას. შევხვდებით ორშაბათს.

გეგმის გადმოსაწერად გადადით ბმულზე
http://www.slideshare.net/mtbiblia/14-60032366